Botërori vijon me ndeshje interesante – Argjentina e Messit luan ndaj Arabisë Saudite, Franca sfidohet nga Australia

08:17 | 22 Nëntor 2022
K.B

Edhe sot në Kampionatin Botëror do të zhvillohen ndeshje interesante në kuadër të fazës së grupeve.

Më fillim nga ora 11:00, Argjentina do të sfidohet nga Arabia Saudite.

“Albicelestes” llogariten favoritë në këtë takim, por nuk janë të përjashtueshme as befasitë. Messi me shokë do ta synojnë vetëm trepikëshin, ndaj një Arabie Saudite që do të synojë të mbrohet.

Në ndeshjet tjera, Danimarka ka punë me Tunizinë në orën 14:00, teksa tri orë më pas Meksika përballet me Poloninë.

Ndeshja e mbrëmjes do të jetë ajo në mes të Francës dhe Australisë, më fillim nga ora 20:00, me “Gjelat”, që i duhet ta “arnojnë” repartin e sulmit, në mungesë të Karim Benzemas.